NAV si bedriftsundersøking kartlegg etterspurnaden etter og mangel på arbeidskraft, både fylkesvis, innanfor den enkelte næring, og for enkeltyrker. Vi estimerer mangelen på arbeidskraft til 43 600 personar. Mangelen på arbeidskraft er klart størst innan helse- og sosialtenester, der vi estimerer mangelen til 13 800 personar. Mangelen på arbeidskraft har gått betydeleg ned frå 2023, og er nå på om lag same nivå som gjennomsnittet dei siste ti åra. Mangelen har gått spesielt mykje ned innan eigedomsdrift, forretningsmessig og fagleg tenesteyting samt bygg og anleggsverksemd, der vi anslår at mangelen har gått ned med høvesvis 45 og 28 prosent på eitt år. Enkeltyrka med størst mangel er helseyrkene sjukepleiar, helsefagarbeidar og samlegruppa andre helseyrker. I tillegg er det mangel på ulike fagarbeidarar, som kokkar, elektrikarar og anleggsmaskin- og industrimekanikarar. Verksemdene si forventning om framtidig sysselsetting er også svakare enn i 2023, og nå er nettodelen verksemder som ventar vekst i sysselsettinga det komande året på 11 prosent, og er dermed på sitt lågaste nivå sidan 2016.